Xitoyda virus qurbonlari soni 1900ga yaqinlashmoqda

Xitoy sog‘liqni saqlash milliy komissiyasi ma'lumotlariga ko‘ra, endilikda mamlakatda virusni yuqtirganlarning jami soni 72 ming 436 kishiga yetgan.

18 fevral tongidagi ma'lumotlarga ko‘ra, kasallikdan yana 98 kishi vafot etgan, epidemiya boshlanganidan buyon berilgan qurbonlar soni — 1868 kishini tashkil qilmoqda. Yana 12552 kishi kasallikdan sog‘ayib ketgan.

South China Morning Post nashri hisoblariga ko‘ra, Xitoyning materik qismidan tashqaridagi bemorlar soni 997 nafar. Eng ko‘p holat Yaponiyada qayd etilgan — 619, shundan 454 kishi «Daymond Prinsess» layneri yo‘lovchilaridir.