Atamboyevning sog‘lig‘i yomonlashgani haqidagi ma'lumot tasdiqlandi
Qirg‘izistonning sobiq prezidenti, tergov izolyatorida saqlanayotgan Almazbek Atamboyevning sog‘lig‘i yomonlashgani haqida uning o‘g‘illari tarqatgan ma'lumot o‘z tasdig‘ini topdi.
Qirg‘izistonning qiynoqlar oldini olish milliy markazi xodimlari tergov izolyatorida saqlanayotgan Qirg‘izistonning sobiq prezidenti Almazbek Atamboyevning oldiga tashrif buyurishgan. Bu haqda 24.kg nashriga markaz direktori Nurdin Sulaymanov ma'lum qildi.
Uning ta'kidlashicha, Atamboyevning qon bosimi pastligi haqidagi ma'lumot o‘z tasdig‘ini topdi.
“Almazbek Atamboyevning qon bosimi haqiqatan ham pasayib ketgan, bundan tashqari bosim o‘ynab turibdi. Tibbiy kartalarga ko‘ra, bugun sobiq prezidentda 90 ga 70 qon bosimi qayd qilingan. Atamboyev suhbat vaqtida ertalab boshi og‘rigani, tonometr esa 85 ga 59 qon bosimini qayd qilganini ma'lum qilgan. Vaholanki, uning ishchi qon bosimi 110 ga 70 mm sim. ustunini tashkil qiladi. U shifokorlar nazoratida qolmoqda”, deb ma'lum qilgan Sulaymanov.
Markaz rahbarining ta'kidlashicha, Atamboyev tomonidan tergov izolyatori ma'muriyati va xodimlari ustidan shikoyat tushmagan.
19 fevralda Atamboyevning o‘g‘illari – Said va Qodirbek ijtimoiy tarmoqlarda otalarining sog‘lig‘i yomonlashganini ma'lum qilishgan. Atamboyevning advokati Zamir Jooshev ham sobiq prezidentning qon bosimi pasayib ketganini ma'lum qilgan.
Biroq Qirg‘iziston milliy xavfsizlik davlat qo‘mitasida bu ma'lumot rad etilib, Atamboyevning sog‘lig‘i me'yorida ekani ta'kidlab o‘tilgan. Sobiq prezidentning himoyasi mustaqil shifokorlarni taklif qilib, ularga Atamboyevning qon bosimi kunlik monitoringi natijalari taqdim qilinishini so‘ramoqda. Jooshevning ma'lum qilishicha, advokatlarning bu iltimosiga rad javobi berilgan.
Mavzuga oid
18:48 / 28.09.2024
Xitoydan Qirg‘iziston orqali o‘tadigan temir yo‘lning O‘zbekistondagi qismi qachon qurilishi ma’lum bo‘ldi
20:44 / 26.09.2024
Sadir Japarov Asqar Akayevning Qirg‘iziston prezidenti lavozimida qilgan uchta asosiy xatosini aytdi
09:55 / 25.09.2024
Saidikrom Niyozxo‘jayev O‘zbekistonning Qirg‘izistondagi elchisi etib tayinlandi
20:32 / 24.09.2024