Hindistonda yo‘lovchilarning samolyotda Wi-Fi’dan foydalanishiga ruxsat berildi

Hindiston hukumati yo‘lovchilarning samolyotda Wi-Fi’dan foydalanishiga ruxsat berdi. Bu haqda The Economic Times nashri xabar berdi. Shunday qilib, faqat Shimoliy Koreya parvoz vaqtida ushbu texnologiyadan foydalanish taqiqlangan davlat bo‘lib qolmoqda.

E'lon qilingan shartlarga ko‘ra, samolyot komandiri yo‘lovchilarning qurilmalari avia rejimida bo‘lgan holatda ularga bortdagi Wi-Fi tarmog‘idan foydalanishga ruxsat berishi mumkin. 

Bu qoida noutbuk, smartfon, aqlli soat va boshqa qurilmalarga taalluqli. Shuningdek, havo kemasi tegishli sertifikatga ega bo‘lishi lozim.

Qayd etilishicha, mahalliy avikompaniyalar ushbu xizmatga kerakli infratuzilmani yaratishi uchun vaqt kerak bo‘ladi.