Turkiyadan Gretsiyaga 130 mingdan ortiq noqonuniy migrant o‘tdi

Vaziyatni baholash uchun Gretsiya-Turkiya chegarasiga Yevrokengash raisi Sharl Mishel, Yevropa parlamenti raisi David Sassoli va Yevrokomissiya raisi Ursula fon der Lyayyen kelishi kutilmoqda.

Foto: EPA/Vostock-photo

O‘tgan haftadan buyon Turkiyadan Gretsiyaga 130 mingdan ortiq noqonuniy migrant o‘tdi. Bu haqda Turkiya ichki ishlar vaziri Sulaymon So‘ylu ma'lum qildi.

"3 mart holatiga ko‘ra, Edirne provinsiyasi orqali Turkiyadan Gretsiyaga o‘tgan noqonuniy migrantlar soni 130 469 nafarga yetdi", - deb yozdi vazir o‘z tvitterida.

Seshanba kuni vaziyatni baholash uchun Gretsiya-Turkiya chegarasiga Yevrokengash raisi Sharl Mishel, Yevropa parlamenti raisi David Sassoli va Yevrokomissiya raisi Ursula fon der Lyayyen kelishi kutilmoqda.

Turkiya o‘tgan haftada Suriyadan kelayotgan qochqinlar oqimini boshqarishga qodir emasligini bildirib, YeI bilan chegaralarni ochib yuborganini ma'lum qilgandi.

Gretsiya migratsiya va boshpana berish ishlari vaziri Panayotis Mitarakis 2 mart kuni mamlakat noqonuniy migrantlar oqimiga tayyor emasligini aytdi.

Tayyorlagan Дилшод Аскаров

#Turkiya #Gretsiya

2019 yil dekabrida Suriya armiyasi Idlibni to‘liq egallash uchun yurish boshladi. Turkiya esa Suriya shimolidagi ittifoqchilarini himoya qilish uchun bu hududdagi kuzatuv postlariga minglab harbiylarini jo‘natdi va ikki tomon o‘rtasida to‘qnashuvlar ro‘y bera boshladi.