Jahon banki koronavirusga qarshi kurashish uchun 12 mlrd dollar ajratmoqda
Jahon banki koronavirus epidemiyasiga qarshi kurashish uchun birinchi badal sifatida 12 mlrd dollar ajratishini e'lon qildi.
“COVID-19’ga qarshi kurashdagi yordam paketi 12 mlrd dollargacha moliyalashtirishni o‘z ichiga oladi. Undan 8 mlrd dollari tezkor tartibda ajratiladi”, deyilgan bank bayonotida.
Ta'kidlanishicha, Jahon banki rivojlanayotgan davlatlarga “sog‘liqni saqlash tizimini mustahkamlashga, jumladan odamlarni epidemiyadan himoyalash uchun tibbiy xizmatlardan foydalana olishini yaxshilash, kasalliklar ortidan epidemik nazoratni kuchaytirish, jamoat sog‘lig‘i sohasidagi tadbirlarni faollashtirish va iqtisodiyotga ta'sirni kamaytirish maqsadida xususiy sektorda hamkorlikka” yordam beradi.
Yordam Jahon bankiga kiruvchi tashkilotlar – Rivojlanish xalqaro assotsiatsiyasi, Xalqaro tiklanish va taraqqiyot banki, Xalqaro moliya korporatsiyasi liniyalari orqali taqdim etiladi.
Mavzuga oid
15:30 / 04.10.2024
Jahon banki O‘zbekistondagi islohotlarni qo‘llab-quvvatlash uchun 800 mln dollar ajratadi
07:22 / 24.06.2024
O‘zbekiston chiqindi gazlarni kamaytirgani uchun Jahon bankidan to‘lov qabul qilgan dunyodagi birinchi davlat bo‘ldi
14:45 / 18.06.2024
JB: O‘zbekistonda ayollar va erkaklarga teng haq to‘lanishini ta’minlash 700 ming kishini kambag‘allikdan chiqaradi
07:40 / 14.06.2024