Indoneziyada koronavirusga chalinganlarni kimsasiz orolda joylashtirishmoqchi

Bu haqda mamlakat qurolli kuchlari bosh qo‘mondoni Xadi Tyadjantoga tayanib Jakarta Post nashri xabar berdi. 

Tyadjantoning ma'lum qiliishicha, orolda 1979-1996 yillarda vetnamlik qochqinlar uchun lager sifatida qo‘llangan bir nechta bino saqlanib qolgan.

Oroldagi shifoxona karantin markazi sifatida qo‘llanib, ming nafargacha bemorni qabul qila oladi. Indoneziya jamoat ishlari va uy-joy qurilishi vaziri bunday shifoxonani bir oyda jihozlash mumkinligini ma'lum qilgan. Ta'kidlanishicha, orolda suv va elektr ta'minoti mavjud.

2 mart kuni Indoneziyada koronavirusga chalingan ilk 2 kishi aniqlangani ma'lum qilingan. 

27 fevralda Jakarta yaqinidagi deyarli kimsasiz orol Sebaruga fevral boshidan Hongkongda karantinda turgan World Dream kruiz layneri ekipajining indoneziyalik 188 nafar a'zosi karantinga jo‘natilgandi.