Qoʻshimcha funksionallar
-
Tungi ko‘rinish
AQShda koronavirus epidemiyasi sababli minglab mahbuslar qo‘yib yuborila boshlandi
AQShda koronavirus epidemiyasi sababli minglab mahbuslar qo‘yib yuborila boshlandi. Ozodlikka og‘ir jinoyatlar sodir etmaganlar chiqarilmoqda. Hukumat epidemiya oqibatida nafaqat mahbuslar, balki qo‘riqchilar ham kasallanishi mumkinligidan xavfsiramoqda.
Foto: Associated Press
Mahbuslar bir nechta shtatda ozodlikka chiqarila boshlangan. Bu haqda The Wall Street Journal nashri xabar berdi. Ozodlikka, jumladan, keksa yoshli va sog‘lig‘i yaxshi bo‘lmagan mahbuslar ham chiqarilmoqda.
Bundan tashqari, Kaliforniya, Nyu-York, Ogayo va Texas shtatlari ma'muriyatlari turmalarga tashrif buyuruvchilarni kiritishni taqiqlash, mahbuslarning turma ichida harakatlanishini cheklashga qaror qilgan.
Ta'kidlanishicha, AQShda hammasi bo‘lib 2,2 mlnga yaqin mahbus bor. Hukumat yuzaga kelgan vaziyatda nafaqat mahbuslar, balki ko‘plab qo‘riqchilar koronavirusga chalinishidan xavotirlanmoqda.
Ma'lum qilinishicha, Pensilvaniya, Michigan, Nyu-York va Vashington shtatlarida qo‘riqchilarda koronavirus aniqlangan holatlar qayd etilgan.
Mutaxassislarning ma'lumotlariga ko‘ra, AQSh turmalarida 55 yoshdan katta bo‘lgan 164 mingdan ko‘proq mahbus saqlanadi. Turmalar xodimlari koronavirusga chalingudek bo‘lsa, bu mahbuslarga turmalarda yordam berish imkoni bo‘lmaydi.
Hukumatning ishontirishicha, gap mahbuslarning katta ko‘lamli ozod qilinishi haqida bormayapti.
Koronavirus
Mavzuga oid
22:02
Putin qarorgohiga hujum: Rossiya Mudofaa vazirligi dalillarni qo‘lga kiritganini da’vo qildi
18:53
Dunyoning eng yirik investori Uorren Baffet lavozimini tark etadi
17:43
MRB Trampga: Ukraina Putinning qarorgohiga hujum qilishga urinmagan – OAV
03:54