BMW tibbiy niqoblar ishlab chiqarishni boshlaydi

Germaniyaning BMW avtomobilsozlik kompaniyasi o‘z xodimlari va aholini koronavirusdan himoyalash uchun tibbiy niqoblar ishlab chiqarishni boshlaydi.

Foto: Freeo news

Kompaniyada ma'lum qilinishicha, kuniga bir necha yuz ming niqob ishlab chiqarish rejalashtirilgan.

Kompaniya Bavariya hukumatiga 2 mlndan ko‘proq tibbiy qo‘lqop va 50 mingta niqob bergan. Bundan tashqari, yaqin 2-3 hafta ichida yana bir millionta niqob taqdim qilinadi.

Avvalroq kompaniya asosiy korxonalarida ishlab chiqarishni aprel oxirigacha to‘xtatib turishini ma'lum qilgan. Bu kompaniyaning Yevropa, AQSh va Meksikadagi zavodlari va Germaniyada mototsikllar ishlab chiqaruvchi korxonalarini qamrab oladi.

BMW’ning 1-chorakdagi savdosi yillik ifodada 20,6 foizga tushib ketib, 477111 avtomobilni tashkil qilgan.

#BMW #tibbiy niqob