Moskvada koronavirus bilan kasallangan 11 kishi vafot etdi

Barcha bemorlarda zotiljam tasdiqlandi, shuningdek, ularning barchasida koronavirus uchun testlar ijobiy natija berdi.

Vafot etganlarning yoshi 48 dan 86 gacha. Marhumlarning barchasi qo‘shimcha kasalliklar, jumladan, gipertoniya, piyelonefrit, surunkali gepatit C va qandli diabetga chalinganlar. Ulardan uch nafarida surunkali bronxit kuzatilgan.

Shu tariqa, Rossiyada pandemiya boshlanganidan beri vafot etganlarning umumiy soni 181 kishiga yetdi.

Yangi koronavirusning tarqalishi munosabati bilan Moskva meri shaharda ruxsatnomalar rejimini joriy qildi. 15 aprel, chorshanba kunidan boshlab har qanday transport vositasi, shu jumladan taksilarda bilan yurish uchun ruxsatnoma talab qilinadi. Piyodalar uchun ruxsatnomalar rejimi hozircha amalda emas.

So‘nggi ma'lumotlarga ko‘ra, Rossiyada 21 mingdan ortiq koronavirus bilan kasallanish holatlari qayd etilgan, ulardan 2,7 mingdan ortig‘i oxirgi bir sutka ichida. Hammasi bo‘lib 1 664 bemor sog‘aydi.