Tramp koronavirus sababli ikki yaqin do‘stini yo‘qotganini so‘zlab berdi

Donald Trampning ta'kidlashicha, uning ikki yaqin do‘sti koronavirusga chalingach hayotdan ko‘z yumgan. AQSh prezidenti bu haqda Pensilvaniya shtatida tibbiy vositalarni taqsimlash markazi xodimlari oldidagi nutqida so‘zladi. 
 
“Men 5 tanishimni yo‘qotdim, ulardan 2 nafari bilan juda qalin do‘st edik”, deb aytgan Tramp.
 
Uning ta'kidlashicha, gripp yoki shamollashda odamlar odatda 2 kundan keyin o‘zlarini yaxshi his qila boshlaydilar, biroq koronavirus bilan bog‘liq vaziyatda do‘stlarining ahvoli tobora og‘irlashib borgan.
 
“Siz ular o‘zlarini qanday his qilayotganlarini bilish uchun 2 kundan keyin qo‘ng‘iroq qilsangiz, sizga “Ser, ular komada”, deb javob qilishadi”, deb aytgan Tramp.

Biroq AQSh prezidentining tan olishicha, tanishlari koronavirusga chalinishgacha ham sog‘liqlarida muammolarga ega bo‘lganlar.