Xitoy tibbiy tovarlar eksportidan deyarli 20 mlrd dollar ishlab oldi

Xitoy 1 martdan 16 maygacha davr ichida 134,4 mlrd yuanlik (19,5 mlrd dollar) tibbiy tovarlar eksport qildi. Bu haqda Xitoy bojxona xizmati ma'lumotlariga tayanib “Interfaks” axborot agentligi xabar berdi. 

Ta'kidlanishicha, Xitoy xorijga 509 mlnta niqob, 216 mlnta himoya kiyimi, 810,3 mlnta himoya ko‘zoynagi, koronavirusni aniqlash uchun 162 mlnta test to‘plami, 727 mingta o‘pkani sun'iy shamollatish qurilmasi, 264,3 mlnta infraqizil termometr (teplovizor) va 10,4 mln juft jarrohlik qo‘lqopi jo‘natgan.

Ushbu tibbiy buyumlarning asosiy xaridorlari AQSh, Germaniya, Yaponiya, Fransiya va Italiya bo‘lgan.