Statqo‘m yanvar-aprel oylarida qancha benzin ishlab chiqarilganini ma'lum qildi

Davlat statistika qo‘mitasi xabariga ko‘ra, 2020 yilning yanvar-aprel oylarida respublikada avtomobil benzini ishlab chiqarish hajmi 2019 yilning shu davriga nisbatan ko‘paydi.

Qayd etilishicha, 2019 yilning shu davrida 308,7 ming tonna benzin ishlab chiqarilgan bo‘lsa, 2020 yilda - 365,8 ming tonna.

Dizel yoqilg‘isini ishlab chiqarish hajmida ham o‘sish kuzatildi. 2019 yilda 341,8 ming tonna dizel ishlab chiqarilgan bo‘lsa, 2020 yilda - 363,4 ming tonna.

Shu bilan birga, O‘zbekiston 2020 yil yanvar-aprel oylarida neft qazib olishni 2019 yilning shu davriga nisbatan (231,2 ming tonna) biroz oshirdi - 232,6 ming tonnagacha.

2020 yil yanvar-aprel oylarida tabiiy gaz qazib olish 17,2 milliard kub metrni tashkil etdi, bu 2019 yilning shu davriga nisbatan kam (20,5 milliard kub metr).

2020 yil yanvar-aprel oylarida O‘zbekiston 506,9 ming tonnadan ortiq gaz kondensati qazib oldi, bu 2019 yilning shu davriga nisbatan kam (541,3 ming tonna).