Yaponiyaga Qirg‘iziston va Tojikiston fuqarolari kirishi taqiqlandi
Yaponiya hukumati koronavirus pandemiyasi sababli 11 ta davlat fuqarolarining mamlakatga kirishini taqiqladi. Bu haqda Yaponiya bosh vaziri Sindzo Abe ma'lum qilgan.
Ushbu taqiqlov 27 maydan boshlab amal qiladi. Yaponiyaga Qirg‘iziston, Tojikiston, Hindiston, Afg‘oniston, Pokiston, Bangladesh, Argentina, Salvador, Gana, JAR va Gvineya fuqarolarining kirishi taqiqlanadi. Bu davlatlar Yaponiya tashqi ishlar vazirligida e'lon qilingan “taqiqlangan davlatlar va hududlar” (hammasi bo‘lib 188 ta) ro‘yxatiga qo‘shilgan.
O‘tgan hafta Yaponiya hukumati yuqorida sanab o‘tilgan 11 davlat uchun “safarlar xavfliligi” darajasini 3-darajagacha oshirgandi. Bu, shuningdek, ushbu davlatlarga safarlardan to‘liq voz kechilishini anglatadi. Umuman olganda, xavflilik shkalasi 4 ta darajadan iborat bo‘lib, birinchisi eng yumshog‘i bo‘lib, to‘rtinchisida odamlarni evakuatsiya qilish tavsiya qilinadi.
Mavzuga oid
20:42 / 26.09.2024
Yaponiya o‘zining razvedka sun’iy yo‘ldoshini orbitaga uchirdi
14:06 / 26.09.2024
Yaponiyada sud 56 yil avvalgi qotillik uchun o‘limga hukm qilingan erkakni oqladi
10:30 / 24.09.2024
Rossiya samolyoti bir kunda Yaponiya havo chegaralarini uch marta buzdi
21:07 / 20.09.2024