Samarqand shahrida jamoat transporti harakati tiklandi

10 iyundan shaharda ba'zi avtobus liniyalari va yo‘nalishsiz taksilar faoliyati tiklandi. Biroq Samarqand shahridan tumanlarga qatnovchi marshrutlar harakati hozircha tiklangani yo‘q. Samarqand shahrida harakatlanuvchi jamoat transporti yo‘nalishlarining umumiy hisobda 30 foizi faoliyati tiklangan. Talab ko‘payishi bilan barcha liniyalar asta-sekin ochib boriladi.

Avtobus va taksilar har uch soatda dezinfeksiyalanishi jiddiy nazorat qilinadi. Transport vositalariga niqobsiz yo‘lovchilar chiqarilmaydi. Ma'lumot uchun, Samarqand shahrida 54ta avtobus liniyasi mavjud. Butun viloyatda esa ularning soni 186ta.