FIFA yangi reytingi e'lon qilindi: O‘zbekiston o‘rnida qoldi

Xalqaro futbol federatsiyasi - FIFA mamlakat milliy jamoalarining 11 iyun holatiga ko‘ra yangi reyting jadvalini e'lon qildi.

Pandemiya sababli milliy jamoalar o‘yin o‘tkazmagani bois, reyting o‘zgarishsiz qoldi. O‘zbekiston milliy jamoasi ro‘yxatning 85-pog‘onasidan joy olgan. Osiyo milliy jamoalari o‘rtasida bu 12-ko‘rsatkichdir. Markaziy Osiyo jamoalari orasida esa eng yaxshi natijadir.

OFKga a'zo federatsiyalar orasida Yaponiya milliy jamoasi peshqadam sanaladi - 28-o‘rin. Eron va Janubiy Koreya esa bu borada uchlikda qolgan.

Dunyo reytingida avvalgi oyda bo‘lganidek Belgiya, Fransiya va Braziliya milliy jamoalari yetakchilik qilmoqda.

Kuchli o‘nlik bilan tanishing:
1. Belgiya — 1765 ochko
2. Fransiya — 1733
3. Braziliya — 1712
4. Angliya — 1661
5. Urugvay — 1645
6. Xorvatiya — 1642
7. Portugaliya — 1639
8. Ispaniya — 1636
9. Argentina — 1623
10. Kolumbiya — 1622.