Iroq bosh vaziri o‘ziga nisbatan suiqasd tayyorlangani haqida ma'lum qildi

"Men xavfsizlik organlaridan Mosulga tashrifim vaqtida meni o‘ldirish rejalashtirilgani haqida hisobot oldim", - dedi u.

Al-Kozimiy chorshanba kuni Mosulga tashrif bilan kelgandi.

U buni qo‘rqitish va shantaj deb baholadi. Al-Kozimiyning so‘zlariga ko‘ra, u "so‘nggi nafasigacha Iroq uchun ishlashga tayyor".

"Ayrim siyosiy kuchlarga men qo‘rqmasligimni aytmoqchiman", - deb ta'kidladi al-Kozimiy.

Iroq milliy razvedkasi sobiq rahbari Mustafo al-Kozimiy shu yilning may oyida mamlakat bosh vaziri etib tayinlangandi.