Trampning milliy xavfsizlik bo‘yicha maslahatchisida COVID-19 aniqlandi

O’Brayyen Tramp ma'muriyatidagi COVID-19ga chalingan eng yuqori lavozimli amaldordir.

Foto: Reuters

AQSh prezidentining milliy xavfsizlik bo‘yicha maslahatchisi Robert O’Brayyen COVID-19ga chalindi, deb xabar berdi Politico nashri o‘z manbasiga tayanib.

O’Brayyenning infeksiya yuqtirib olgani haqida Reuters, Blooomberg va CNN ham xabar bergan.

Keyinroq CNBC telekompaniyasi O’Brayyenda kasallikning «yengil alomatlari» borligini va u milliy xavfsizlik kengashi ishini uyidan turib boshqarayotganini ma'lum qildi.

Politico nashrining qayd etishicha, O’Brayyen Tramp ma'muriyatidagi COVID-19ga chalingan eng yuqori lavozimli amaldordir.

Bloomberg agentligi O’Brayyen o‘tgan haftadan buyon ishga chiqmayotganligini xabar qilmoqda.

CNN telekompaniyasining ma'lumot berishicha, O’Brayyen yaqinda Yevropadan qaytgan. U safari davomida Buyuk Britaniya, Fransiya, Germaniya va Italiya amaldorlari bilan muloqotda bo‘lgan.

#koronavirus #Robert O’Brayyen