AQShda quruqlikda harakatlanish bo‘yicha tezlik rekordi o‘rnatildi

AQShning Bonnevil tuz ko‘lida Speed Demon strimlayneri porshenli ichki yonuv dvigateliga ega avtomobillar orasida quruqlikda harakatlanish bo‘yicha yangi tezlik rekordini o‘rnatdi. Strimlayner 775 km/soat tezlikka erishgan.

Mashina maksimal tezlikka erishganiga qaramay, uning ikkita urinishdagi o‘rtacha tezligi rekord sifatida qayd qilingan. U 757 km/soatni tashkil qilgan.

Strimlayner Chevrolet’ning 6 litr hajmga ega, 8 silindrli HEMI dvigateli va 7 pog‘onali avtomatik uzatmalar qutisi bilan jihozlangan. Dvigatel 2500 ot kuchini beradi. Mashina 4 ta g‘ildirakka ega bo‘lib, uning ikkita old g‘ildiragi ketma-ket joylashgan.   

Avvalgi tezlik rekordi ham Speed Demon’ga tegishli bo‘lgan va 2018 yilda o‘rnatilgan. O‘shanda Strimlayner 722 km/soat tezlikka erisha olgan.