Фото: Facebook
АҚШнинг Бонневиль туз кўлида Speed Demon стримлайнери поршенли ички ёнув двигателига эга автомобиллар орасида қуруқликда ҳаракатланиш бўйича янги тезлик рекордини ўрнатди. Стримлайнер 775 км/соат тезликка эришган.
Машина максимал тезликка эришганига қарамай, унинг иккита уринишдаги ўртача тезлиги рекорд сифатида қайд қилинган. У 757 км/соатни ташкил қилган.
Стримлайнер Chevrolet’нинг 6 литр ҳажмга эга, 8 цилиндрли HEMI двигатели ва 7 поғонали автоматик узатмалар қутиси билан жиҳозланган. Двигател 2500 от кучини беради. Машина 4 та ғилдиракка эга бўлиб, унинг иккита олд ғилдираги кетма-кет жойлашган.
Аввалги тезлик рекорди ҳам Speed Demon’га тегишли бўлган ва 2018 йилда ўрнатилган. Ўшанда Стримлайнер 722 км/соат тезликка эриша олган.
