Peterburgdan 220 nafar o‘zbekistonlik olib kelindi

“Sankt-Peterburg – Urganch” yo‘nalishida navbatdagi charter reysi amalga oshirildi.

Bugun 8 sentabr kuni “ Sankt-Peterburg – Urganch” yo‘nalishida navbatdagi charter reysi amalga oshirildi. Bu haqda Xorazm viloyati Transport boshqarmasi matbuot xizmati xabar bermoqda.

Maxsus reys orqali 220 nafar yo‘lovchi olib kelindi. Xorijdan qaytgan barcha fuqarolar belgilangan tartibda 10 kundan kam bo‘lmagan muddatga karantin markazlariga joylashtirildi.

Bugungi kunga qadar Xorazm viloyatiga Moskva, Sankt-Peterburg shaharlaridan jami 4 ta charter reysi amalga oshirilgan bo‘lib, ularda jami 840 nafar O‘zbekiston fuqarosi o‘z uylariga olib kelindi.