Xorazmda tarixiy shaxslarning mum haykallari ekspozitsiyasi tashkil etiladi

Prezident Shavkat Mirziyoyevning 2020 yil 12-13 mart kunlari Xorazm viloyatiga tashrifi davomida bergan topshirig‘i va kengaytirilgan tarzda o‘tkazilgan yig‘ilish bayoniga asosan, «Ichan-qal'a» davlat muzey qo‘riqxonasida Xiva xonligi tarixiy shaxslarining mumdan yasalgan haykallari ekspozitsiyasi tashkil etiladi.

Ekspozitsiyadan Xiva xoni Muhammad Rahimxon II, bosh vazir Said Islomxo‘ja, Xiva xoni Said Isfandiyor To‘raxon, Xivaning so‘nggi xoni Said Abdulla va boshqa tarixiy shaxslarning mum xaykallari joy oladi.

Mum haykallar va foto zonalarni tashkil etish orqali, sayyohlarga ko‘rsatilayotgan xizmatlar sifati va sonini oshirish, Xiva xonligi to‘g‘risida ma'lumotlarni to‘liq olish imkoniyati yaratiladi.