Shveytsariya Nikolas Maduroni Venesuela prezidenti deb tan oldi

Venesuela aloqa va axborot vazirligi Shveytsariya Nikolas Maduroni Venesuela prezidenti deb “tan olmasligidan” voz kechganini ma'lum qildi. Rasmiy Karakas Shveytsariyaning Venesueladagi yangi elchisining Maduroga ishonch yorlig‘ini topshirishiga shunday izoh berdi.

Foto: RIA Novosti / Sergey Guneyev

Shveytsariya elchisi Yurgas Shprexer Venesuela prezidentining rasmiy qarorgohi – Miraflores saroyida Maduroga ishonch yorlig‘ini topshirgan. Vaholanki, Shveytsariya 2019 yil yanvarida Venesuela muxolifati yetakchisi Xuan Guaydoni Venesuelaning yangi prezidenti deb tan olgan birinchi davlatlardan biri bo‘lgan.

Maduroning o‘zi esa yorliqlarning topshirilishini ikki davlat o‘rtasidagi o‘zaro hurmat va hamkorlik tasdig‘i deb atagan.

E'tiborlisi, Guaydo 30 ta davlatda o‘z elchilarini tayinlagan. Biroq ulardan birortasi diplomatik vakolatlarga ega emas.