Qirg‘izistonning O‘sh viloyatiga yangi rahbar tayinlandi

Jarasul Abduraimov Qirg‘iziston yangi hukumatining O‘sh viloyatidagi muxtor vakili – mintaqa rahbari etib tayinlandi. Yangi rahbarni mamlakat bosh vaziri o‘rinbosari Ravshanbek Sobirov tanishtirgan.

Jarasul Abduraimov /Foto: kabar.kg

Shu vaqtgacha, O‘sh viloyatini Bayish Yusupov boshqarib kelayotgan edi.

Jarasul Abduraimov 1960 yilda O‘sh viloyatining Olay tumani Gulcha qishlog‘ida tug‘ilgan. Oilali, ikki nafar qizi va bir nafar o‘g‘li bor. Yekaterinburgdagi Ural politexnika universitetini tamomlagan.

J. Abduraimov ushbu lavozimga tayinlangunga qadar Osiyo taraqqiyot bankining Qirg‘izistondagi loyihalaridan birida ekspert sifatida faoliyat olib borgan.

Shuningdek, u 2019 yilning may oyidan sentyabrigacha Qirg‘iziston iqtisodiyot vazirining maslahatchisi lavozimida ishlagan.

#Qirg‘iziston #O‘sh viloyati

Kun.uz yangiliklarini Google News'da kuzating

+ Obuna bo'lish