Rossiya yangi raketasini sinovdan o‘tkazdi

Raketa hujumidan mudofaa tizimining yangi raketasi sinovi Sari-Shag‘an poligonida (Qozog‘iston) muvaffaqiyatli tarzda o‘tkazilgan.

Foto: TASS

Rossiya havo-kosmik kuchlari raketa hujumidan mudofaa tizimining yangi raketasini sinovdan o‘tkazdi. Bu haqda Rossiya mudofaa vazirligi xabar berdi.

Xabarda aytilishicha, sinov Sari-Shag‘an poligonida (Qozog‘iston) muvaffaqiyatli tarzda amalga oshirilgan.

Havo-kosmik kuchlari raketa hujumidan mudofaa bo‘linmasi komandiri general-mayor Sergey Grabchukning so‘zlariga ko‘ra, «qator sinovlardan so‘ng yangi mudofaa tizimining barcha xususiyatlari tasdiqdan o‘tgan, berilgan jangovar vazifalar aniqlik bilan bajarilgan».

Rossiya mudofaa vazirligi Sari-Shag‘an poligonida raketa sinovi o‘tkazilganligi to‘g‘risida oxirgi marta 2019 yil iyulda xabar bergandi.

#Rossiya #raketa