Qoʻshimcha funksionallar
-
Tungi ko‘rinish
Xitoy Rossiya bilan chegaradagi shahrida karantin kiritdi
Xitoy Rossiyaning Baykalorti o‘lkasi bilan chegarada joylashgan Manchjouli shahrida koronavirus yuqtirib olish bo‘yicha 2ta holat qayd etilgandan keyin karantin kiritdi.
Shaharda ommaviy yig‘ilishlarga taqiqlov kiritildi, ko‘ngilochar maskanlar, maktablar va bolalar bog‘chalari vaqtincha yopiq bo‘ladi. Shahar ma'muriyati butun aholidan koronavirusga test olishini ma'lum qilgan. Shaharda 172 mingga yaqin odam yashaydi.
Shuningdek, shahar bilan temir yo‘l aloqasi vaqtincha to‘xtatiladi.
Manchjouli Rossiya va Xitoy chegarasidagi muhim logistik markaz hisoblanadi. U yerda “Baykalorti – Manchjuriya” yuk-yo‘lovchi chegara o‘tish joyi joylashgan.
Xitoyda so‘nggi sutkada 17ta yangi kasallanish holati qayd etildi. Ulardan uchtasida virus mamlakat ichidagi odamlarda, qolganlarida esa xorijdan kelganlarda aniqlangan.
