JSST Pfizer vaksinasining ikkinchi dozasi bilan emlashni to‘xtatib turishni so‘radi

Jahon sog‘liqni saqlash tashkilotining vaksinalar bo‘yicha maslahatlashuv guruhi Pfizer/BioNTech vaksinasining ikkinchi dozasi bilan emlashni vaqtincha to‘xtatib turishni taklif qildi.    

MedicalXpress nashrining xabar berishicha, bunday qadam vaksina yetishmayotgan hozirgi vaziyatda iloji boricha ko‘proq odamlarni emlash bilan qamrab olish istagi bilan bog‘langan. 

Vaksinaga yo‘riqnomada ikkinchi dozani birinchi doza kiritilgandan 21-28 kundan keyin kiritish kerakligi aytilgan. Biroq JSSTda buni bir necha hafta keyinroqqa surish mumkin degan qarorga kelingan.

5 yanvarda Norvegiyada Pfizer/BioNTech vaksinasini o‘zida sinagan ikki kishi vafot etgani ma'lum qilindi. Biroq hozircha ushbu o‘limlar vaksina bilan bog‘langani yoki yo‘qligi noma'lum.

Avvalroq esa portugaliyalik tibbiy xodim Sonya Asevedo ushbu vaksina bilan emlangandan 48 soat o‘tib vafot etgani ma'lum qilingandi.