Qoʻshimcha funksionallar
-
Tungi ko‘rinish
Uzbekistan Airports Xalqaro aeroportlar kengashiga qo‘shildi
O‘zbekistonning Xalqaro aeroportlar kengashi − Airports Council International’ga qo‘shilish bo‘yicha onlayn muzokaralar 2020 yil oxirida bo‘lib o‘tgan. Unda «Uzbekistan Airports» AJ boshqaruv raisi Ravshan Ismoilov va ACI bosh direktori Stefano Baronsi qatnashgandi.
Tashkilotga O‘zbekiston tomoni taqdim etgan hujjatlar ma’qullanib, a’zolik talablarining bajarilishi va keyingi vazifalar kelishildi.
«ACI'ga a’zolik taqdim etilayotgan xizmatlarning ishonchliligini kafolatlaydi. Mamlakat havo transporti tizimini isloh qiladi, sanoatni xalqaro standartlarga moslashtiradi, turizmni rivojlantiradi va investitsiyalar oqimini tezlashtiradi.
Shuningdek, ACI tajribasi koronavirus infeksiyasiga qarshi kurash bo‘yicha global choralarni ko‘rish, yo‘lovchilarni pandemiya xavfidan ogohlantirish va himoya qilish bo‘yicha samarali dasturlarni ishlab chiqishga imkon beradi», – deyiladi rasmiy xabarda.
Ma’lumot uchun, Xalqaro aeroportlar kengashi 1991 yilda tashkil etilgan va bosh qarorgohi Kanadada joylashgan. Tashkilot 670 a’zoni birlashtirib, 176 mamlakatda 1 979 aeroportga xizmat ko‘rsatadi.
Mavzuga oid
11:35 / 11.02.2026
Toshkentga uchgan samolyotlar Samarqand va Bishkekka qo‘nishga majbur bo‘ldi
09:52 / 10.02.2026
Kuba: aeroportlarda aviayonilg‘i yo‘q - xorijiy reyslar qayta ko‘rib chiqilmoqda
08:40 / 03.02.2026
2026 yildan Uzbekistan Airways va Uzbekistan Airports nosohaviy xarajatlarni moliyalashtirmaydi
09:58 / 21.01.2026