Fransiya koronavirus sababli chegaralarini yopdi

Fransiya Yevropa ittifoqiga kirmaydigan davlatlardan o‘z hududiga kirishni taqiqladi. Ushbu qaror mamlakatdagi epidemiologik vaziyat sababli qabul qilingan. 

Fransiya bosh vaziri Jan Kasteksning ta'kidlashicha, Fransiyaga jiddiy sabablarsiz kirish va undan chiqish taqiqlanadi. Yevropa ittifoqidan Fransiyaga kirish uchun transchegaraviy ishchilardan tashqari barcha manfiy PsR-test taqdim qilishi lozim. 

Fransiyada komendantlik soati amal qilishi davom etadi, maydoni 20 ming kvadrat metrdan kattaroq bo‘lgan nooziq-ovqat do‘konlari yopiq qoladi. Kasteks yaqin kunlar qo‘shimcha choralar qabul qilish borasida “hal qiluvchi” bo‘lishidan ogohlantirgan.

Yangi cheklovlar 31 yanvardan kuchga kiradi.