Chinozda 1 kilogrammdan ortiq marixuana olib yurgan shaxs qo‘lga olindi
Chinoz tumanida 1 kilogrammdan ortiq marixuana olib yurgan shaxs qo‘lga olindi. Bu haqda Ichki ishlar vazirligi Jinoyat qidiruv bosh boshqarmasi Giyohvandlik vositalari bilan qonunga xilof ravishda muomala qilishga qarshi kurashish boshqarmasi xabar berdi.
Qayd etilishicha, Toshkent shahar Olmazor tumanida yashovchi, 1962 yilda tug‘ilgan fuqaro B.A. Chinoz tumani “Sutchilar” mahallasi hududida maqsadsiz yurgan vaqtida gumonlanib, xolislar ishtirokida ko‘zdan kechirilgan.
Shu vaqtda uning o‘ng qo‘lida bo‘lgan qora rangli sellofan paket ichida vazni 1 kilogramm 140 gramm “marixuana” giyohvandlik moddasi borligi aniqlanib, u ushlangan.
Holat yuzasidan fuqaro B.A.ga nisbatan Chinoz tumani IIB Tergov bo‘linmasi tomonidan Jinoyat kodeksining 276-moddasi 2-qismi bilan jinoyat ishi qo‘zg‘atilgan.
Mavzuga oid
13:30 / 09.10.2024
Giyohvandlik vositalari ustidan nazorat qilish davlat komissiyasi vakolatlari belgilandi
11:50 / 09.10.2024
Toshkentda giyohvandlik vositalarini yashirish yo‘li bilan tarqatish holatlari fosh etildi
14:30 / 05.10.2024
Toshkentning ikki tumanida giyohvandlik moddasi saqlab kelganlar ushlandi
15:58 / 03.10.2024