Toshkentda yerdan foydalanishning eng past narxlari tasdiqlandi

Norma’ning yozishicha, Toshkent shahrida yer uchastkasidan doimiy foydalanish huquqining eng past narxi iqtisodiy zonalar (1-ilova) va tumanlar (2-ilova) kesimida belgilandi.

Toshkent shahar yer tuzish va ko‘chmas mulk kadastri davlat korxonasi va tuman hokimliklari:

• auksion orqali realizatsiya qilishga mo‘ljallangan bo‘sh yer uchastkalarining ro‘yxatini shakllantiradi;
• yer uchastkalari bo‘yicha kelishilgan yoki ijobiy xulosa berilgan kundan boshlab 5 ish kuni ichida yer uchastkasidan doimiy foydalanish huquqining tasdiqlangan eng past narxi asosida yer uchastkasining boshlang‘ich narxini belgilaydi.

Tadbirkorlik va shaharsozlik faoliyatini amalga oshirish uchun qishloq xo‘jaligiga mo‘ljallanmagan yer uchastkalarini doimiy foydalanishga berish elektron onlayn-auksion orqali amalga oshiriladi.