TikTok ilovasida guruh chatlarini yo‘lga qo‘yish rejalashtirilmoqda
Yangi funksiya taniqli blogerlarga o‘z obunachilari bilan to‘g‘ridan to‘g‘ri muloqot qilish imkonini beradi.
TikTok ilovasida guruh chatlarini yo‘lga qo‘yish rejalashtirilmoqda, deb xabar berdi Reuters o‘z manbalariga tayanib. Xabarda aytilishicha, yangi funksiya shu yil ishga tushadi.
Guruh chatlarida xabar almashish imkoniyatini yaratish ByteDance kompaniyasining TikTok ilovasini «ijtimoiy muloqot ilovasi»ga aylantirish rejasining bir qismi hisoblanadi, degan agentlik manbasi.
Kompaniya guruh chatlari foydalanuvchilarning ilovada ko‘proq bo‘lishlariga yordam beradi deb hisoblamoqda. Shuningdek, yangi funksiya taniqli blogerlarga o‘z obunachilari bilan to‘g‘ridan to‘g‘ri muloqot qilish imkonini beradi.
Agentlikning qayd etishicha, TikTok ichida suhbatlashish imkoniyatining yo‘lga qo‘yilishi ByteDance kompaniyasiga Facebook va boshqa yirik ijtimoiy tarmoqlar bilan raqobatlashishga yordam beradi.
Xabarda aytilishicha, ByteDance TikTok ilovasiga guruh chatlarini qo‘shishni o‘tgan yili rejalashtirgan, ammo Donald Trampning AQShda ushbu ilovani bloklashga urinishi bu rejaning amalga oshishiga xalaqit bergan.
Mavzuga oid
21:29 / 21.09.2024
TikTok AQSh sanksiyalari tufayli Sputnik va RT akkauntlarini o‘chirib tashladi
00:06 / 10.08.2024
Turkiyada TikTok’ning bloklanishi muhokama qilinadi
08:25 / 06.08.2024
TikTok mukofotlash dasturini YeIdagi ilovalaridan olib tashlaydi
22:45 / 05.08.2024