Bugun O‘zbekistonga iliq havo oqimi kirib kelishi davom etadi

Bugun kunduz kuni O‘zbekistonga Eron hududlaridan iliq va quruq havo massalari kirib kelishi davom etadi. Respublika bo‘yicha yog‘ingarchilik kutilmaydi. Shamol 7-12 m/s tezlikda esadi. Havo harorati 21-26 daraja issiqqacha ko‘tariladi.

Poytaxtda havo biroz bulutli bo‘ladi, yog‘ingarchilik kutilmaydi. Shamol 3-8 m/s tezlikda esadi. Havo harorati 23-25 daraja issiqni tashkil etadi.

Respublikaning tog‘oldi va tog‘li hududlarida havo o‘zgarib turadi, yog‘ingarchilik kutilmaydi. Toshkent va Namangan viloyatlarida 1600 metrdan yuqorida qor ko‘chishi xavfi bor. Shamol 7-12 m/s tezlikda esadi. Havo harorati 14-19 daraja iliq bo‘ladi.