Xitoy AQShni «o‘t bilan o‘ynashmaslik»ka chaqirdi
Xitoy tashqi ishlar vazirligi rasmiy vakili Chjao Litszyan AQSh Tayvan mustaqilligini xohlayotgan kuchlarga noto‘g‘ri signallar bermasligi kerakligini aytdi.
Xitoy AQShni Tayvan masalasida «o‘t bilan o‘ynashmaslik»ka va Tayvan bilan rasmiy munosabatlarni kengaytirmaslikka chaqirdi, deb yozadi Deutsche Welle.
Xitoy tashqi ishlar vazirligi rasmiy vakili Chjao Litszyan AQSh Tayvan mustaqilligini xohlayotgan kuchlarga noto‘g‘ri signallar bermasligi kerakligini aytdi.
«Amerika hukumati va Tayvan o‘rtasidagi munosabatlarni Xitoy va AQSh o‘rtasidagi kelishuvlarning jiddiy buzilishi deb hisoblash mumkin. Bu Vashingtonning tayvanlik ayirmachilarga noto‘g‘ri signali hisoblanadi, shu bois Pekin bunday munosabatlarga qat'iyan qarshi. Bu masalada Qo‘shma Shtatlarga jiddiy taqdimnoma yo‘lladik va AQSh Tayvan borasida o‘t bilan o‘ynashmasligi kerak», – dedi u.
Diplomatning qo‘shimcha qilishicha, amerikaliklar Tayvan aholisi bilan madaniyat, ishbilarmonlik sohasida va boshqa norasmiy ko‘rinishlarda hamkorlik qilishi mumkin. Ammo tahdid uyg‘ongan taqdirda Xitoy o‘z suvereniteti va hududiy yaxlitligini himoya qiladi.
Pekin Tayvanning AQSh bilan mudofaa sohasida hamkorlik qilishiga bir necha bor qarshi chiqqan.
Xitoy mudofaa vazirining ta'kidlashicha, «Tayvanning mustaqil bo‘lishi urushni bildiradi».
Mavzuga oid
23:09 / 05.10.2024
Gvatemalada o‘zbek migrantlari kontrabandasi bilan shug‘ullangan politsiyachilar hibsga olindi
15:16 / 05.10.2024
Putin administratsiyasidan AQShga qochgan mulozim
12:30 / 05.10.2024
YeK: Xitoy elektromobillariga bojlarni oshirish yo‘li ochildi
11:10 / 05.10.2024