Toshkentda ayrim ko‘chalarda transport vositalari harakati vaqtincha cheklanadi

Duatlon bo‘yicha havaskor va professionallar o‘rtasida O‘zbekiston ochiq kubogi birinchi bosqichi o‘tkazilishi munosabati bilan poytaxtda 18 aprel kuni soat 07:30dan 12:30ga qadar qator ko‘chalarda harakatlanish cheklanadi.

Toshkent shahar hokimligi matbuot xizmati xabariga ko‘ra, quyidagi ko‘chalarda harakat vaqtincha cheklanadi:

to‘liq yopilish: Zulfiyaxonim ko‘chasi – Labzak ko‘chasidan (MobiUz ofisi) Nurafshon aylanma yo‘ligacha;
to‘liq yopilish: Nurafshon aylanma yo‘li – Zulfiyaxonim ko‘chasidan Sharof Rashidov shohko‘chasigacha (Yong‘in xavfsizligi boshqarmasi);
ikki taraflama harakatlanish yo‘lning bitta qismi bo‘ylab tashkil qilinadi: Sharof Rashidov shohko‘chasi – Osiyo ko‘chasidan (Yong‘in xavfsizligi boshqarmasi) Abdulla Qodiriy ko‘chasigacha (“Jasorat” haykali);
ikki taraflama harakatlanish yo‘lning bitta qismi bo‘ylab tashkil qilinadi: Abdulla Qodiriy ko‘chasi – Sharov Rashidov shohko‘chasidan (“Jasorat” haykali) Labzak ko‘chasigacha (“Anhor-Lokomotiv” bog‘i).

"Tirbandliklarning oldini olish uchun haydovchilardan aylanma yo‘llardan foydalanishni so‘raymiz", deyiladi xabarda.