Belarus Kanadadagi elchixonasini yopishga qaror qildi

Belarus Kanadadagi elchixonasini yopishga qaror qildi. Elchixona 2021 yil 1 sentyabrdan o‘z faoliyatini to‘xtatadi.

Belarus tashqi ishlar vaziri Vladimir Makey

6 aprelda Belarus hukumatining yig‘ilishida prezident Aleksandr Lukashenko mamlakatning elchixonalari hamda diplomatik missiyalari xodimlari sonini optimallashtirishni taklif qilgan. O‘shanda Belarus tashqi ishlar vaziri Vladimir Makey Belarusning faoliyati zarur tashqi iqtisodiy resurslarni keltirmayotgan diplomatik vakolatxonalari yopilishini ma'lum qilgan.

Kuzdan belarusliklar mamlakatning Nyu-Yorkdagi bosh konsulxonasi xizmatlaridan foydalanishlariga to‘g‘ri keladi.

Belarus tashqi ishlar vazirligi saytida ma'lum qilinishicha, “Belarusda 2020 yil avgustda o‘tgan prezident saylovlari natijalarining tanqidiy baholanishi va undan keyingi voqealar rasmiy Ottava tomonidan Belarusning mansabdor shaxslari, jumladan, mamlakat rahbariga nisbatan sanksiyalar kiritishiga sabab bo‘lgan”. Minsk javob chorasi sifatida Kanadaning ba'zi rasmiy shaxslarining Belarusga kirishini cheklab qo‘ygan.

Ayni vaqtda Belarus manfaatlarini xorijda 58ta davlatdagi 70ta vakolatxona bildiradi.

Tayyorlagan Шуҳрат Раҳимов

#Kanada #Belarus

Minskda Nexta muxolifatchi Telegram-kanali sobiq muharriri Roman Protasevich qo‘lga olindi. U uchayotgan samolyot bomba haqidagi xabar tufayli Belarusga favqulodda qo‘ndirildi. Qo‘nish haqidagi qarorni Lukashenkoning shaxsan o‘zi «Yevropani himoya qilish» uchun qabul qilgan