Surxondaryoda yosh haydovchi boshqargan «Neksiya» daraxtga urildi va ag‘darilib ketdi
Surxondaryo viloyati Jarqo‘rg‘on tumanida 19 yoshli haydovchi «Neksiya» mashinasida boshqaruvni yo‘qotib yo‘l chetidagi daraxtga urilgan. So‘ng mashina ag‘darilib ketgan. Bu haqda viloyat IIB YHXB xabar bermoqda.
Ma'lum qilinishicha, 2021 yil 16 may kuni M41 Bishkek-Dushanbe-Termiz xalqaro avtomobil yo‘lining Jarqo‘rg‘on tumani Oqtepa mahallasi hududidan o‘tuvchi 1603-kilometrida yo‘l-transport hodisasi sodir bo‘lgan.
2002 yilda tug‘ilgan haydovchi T.X. «Neksiya» mashinasini boshqarib ketayotib, yo‘lning chap tomoniga chiqib ketib daraxtga urilgan. Hodisa tufayli mashina ag‘darilib ketgan. Oqibatda «Neksiya» salonida bo‘lgan 2005 yilda tug‘ilgan F.E. tan jarohati olib, Termiz shahar tez tibbiy yordam bo‘limiga yotqizilgan.
Qayd etilishicha, ushbu holat yuzasidan Surxondaryo viloyati IIB YHXB mas'ul xodimlari hodisa joyiga chiqib aholi o‘rtasida muhokama-targ‘ibot ishlarini olib borgan.
Mavzuga oid
14:52 / 03.10.2024
Surxondaryoda tadbirkor o‘zi tahsil olgan maktab uchun 630 o‘rinli yangi bino qurib berdi
13:57 / 18.09.2024
Surxondaryoda sodir bo‘lgan YTHda uch nafar sinfdosh yigit halok bo‘ldi
07:29 / 06.09.2024
Surxondaryoda 9400 tup daraxt nobud bo‘lishi mumkin
12:31 / 31.08.2024