Samarqandda «Lasetti» bilan to‘qnashgan «Jiguli» haydovchisi vafot etdi

Samarqand viloyati Kattaqo‘rg‘on shahrida «Lasetti» va Jiguli mashinalari o‘zaro to‘qnashgan. Oqibatda «Jiguli» haydovchisi og‘ir tan jarohati olib, vafot etgan. Bu haqda viloyat IIB YHXB xabar bermoqda.

Ma'lum qilinishicha, 3 iyun 01:30 larda Kattaqo‘rg‘on shahar Amir Temur shohko‘chasida inson o‘limi bilan bog‘liq yo‘l-transport hodisasi ro‘y bergan. «Lasetti» va «Jiguli» mashinalari o‘zaro to‘qnashgan. Oqibatda «Jiguli» haydovchisi og‘ir tan jarohatlari olgan va shifoxonaga olib ketishda, yo‘lda vafot etgan.

Aniqlanishicha, mazkur yo‘l-transport hodisasiga haydovchilarning tezlikni oshirishi sabab bo‘lgan. Qayd etilishicha, mazkur hodisa yuzasidan Kattaqo‘rg‘on shahar IIB YHXB tomonidan surishtiruv o‘tkazilmoqda.