Yaponiya terma jamoasi yozgi Olimpiadalar uchun milliy rekordini yangiladi

Yaponiya terma jamoasi yozgi Olimpiadalarda qo‘lga kiritilgan oltin medallar soni bo‘yicha milliy rekordni yangiladi. Olimpiadaning 8-kuniga kelib yapon sportchilari 17ta oltin medalni qo‘lga kiritishga muvaffaq bo‘lishdi.

Bungacha Kunchiqar mamlakat sportchilari 2004 yilgi Afina Olimpiadasi va 1964 yilgi Tokio Olimpiadasidagina 16tadan oltin medalni qo‘lga kiritishga muvaffaq bo‘lishgan.

Yaponiyalik sportchilar ushbu natijani yanada yaxshilash imkoniyatiga egalar.

Bundan tashqari, Tokio Olimpiadasi sport turlari (33ta) va yo‘nalishlari (339ta) bo‘yicha eng keng ko‘lamli yozgi Olimpiadaga aylandi.