Zelenskiy Rossiya Qrim borasidagi qarorlari uchun pushaymon bo‘lishini aytdi

Ukraina prezidenti Vladimir Zelenskiy Rossiya kelajakda Qrimga nisbatan amalga oshirgan harakatlari uchun pushaymon bo‘lishini aytdi.

«Rossiya tarixi Qrim borasidagi qadamlari va qarorlari uchun yig‘laydi», — deb ta'kidladi u «Dom» telekanaliga bergan intervyusida.

Zelenskiyning so‘zlariga ko‘ra, Qrim ukrainlar va rossiyaliklar munosabati yomonlashishiga sabab bo‘lgan «ilk gugurt cho‘pidir».

U avvalroq Donbassni Rossiyaning bir qismi deb hisoblaydiganlarni Rossiyaga ko‘chib ketishga chaqirgandi.

Ukraina prezidentining ta'kidlashicha, Donbass «hech qachon Rossiyaning bir qismi bo‘lmaydi».