Toshkentda yo‘lovchilar bo‘lgan «Gazel» YTHga uchradi

2021 yil 12 avgust kuni soat 19:00larda, Toshkent shahar, Yunusobod tumani, Yunusota ko‘chasidagi 43-uy ro‘parasida yo‘l-transport hodisasi sodir bo‘ldi.

IIV YHXB xabariga ko‘ra, haydovchi, 1967 yilda tug‘ilgan F.K. boshqaruvidagi "Gazel" rusumli hamda haydovchi, 1995 yilda tug‘ilgan J.R. boshqaruvidagi "Neksiya" rusumli avtomobillar ishtirokida to‘qnashuv sodir bo‘lgan.

To‘qnashuv natijasida 5 nafar yo‘lovchiga birinchi tez tibbiy yordam ko‘rsatilgan.

Mazkur YTH yuzasidan Toshkent shahar IIBB YHXB xodimlari tomonidan surishtiruv olib borilmoqda.