Iqtisodiy tadqiqotlar markaziga qo‘shimcha vazifalar yuklatildi

“Ijtimoiy-iqtisodiy rivojlanishda iqtisodiy tadqiqotlar sifati va rolini oshirishning qo‘shimcha chora-tadbirlari to‘g‘risida”gi prezident qarori qabul qilindi 

Adliya vazirligi xabariga ko‘ra, Prezident Administratsiyasi huzuridagi Iqtisodiy tadqiqotlar va islohotlar markaziga qo‘shimcha vazifalar yuklatildi. 

Markaz, jumladan, hududlarda ijtimoiy-iqtisodiy rivojlanish jarayonlarini jadallashtirishga qaratilgan dasturlarni ishlab chiqishda mahalliy davlat hokimiyati organlarini ilmiy asoslangan taklif va tavsiyalar bilan doimiy ravishda ta'minlab boradi. 

Markaz tuzilmasida quyidagilar tashkil etildi: 

• Sanoat klasterlari faoliyatini rivojlantirish sho‘'basi;
• IT-texnologiyalarni joriy etish va ma'lumotlar bazasini integratsiyalash sho‘'basi;
• Jamoatchilik bilan aloqalar va marketing sho‘'basi.

Qoraqalpog‘iston Respublikasi, Jizzax, Namangan, Samarqand va Qashqadaryo viloyatlarida markazning hududiy filiallari tuzildi.