Livanda gaz tankeri portlashi oqibatida 20 kishi halok bo‘ldi

Livanning Akkar shahrida gaz tankerining portlashi oqibatida kamida 20 odam halok bo‘ldi, 100 ga yaqin odam jabrlandi. Bu haqda Livanning Qizil xoch jamiyati ma'lum qildi. 

Ta'kidlanishicha, voqea joyida jamiyatning 22 jamoasi ish olib borgan. Portlash sababi ma'lum qilinmagan.

2020 yil avgustda Livan poytaxti Bayrutdagi portda kuchli portlash yuz bergandi. Uning oqibatida 200 dan ko‘proq kishi halok bo‘lgan, minglab odamlar jabrlangandi. Portlash 4 mingga yaqin binoning butkul yoki qisman vayron bo‘lishiga olib kelgan. 300 mingdan ko‘proq odam boshpanasiz qolgan. Portlashdan ko‘rilgan zarar 15 mlrd dollarga baholangandi.