Toliblar Jalolobodda namoyishchilarga qarata o‘t ochgani xabar qilindi
Jalolobodliklar davlat bayroqlari o‘rniga toliblar bayroqlari o‘rnatilishiga qarshi namoyishga chiqqani aytilmoqda.
Afg‘onistonning Nangarhor viloyati markazi Jalolobod shahrida toliblar ularga qarshi namoyishga chiqqanlarga qarata o‘t ochdi, deb xabar berdi Interfaks mahalliy manbalarga tayanib.
Ma'lumotlarga ko‘ra, ikki kishi halok bo‘lgan, bir necha kishi yaralangan.
Shaharliklar davlat bayroqlari o‘rniga toliblar bayroqlari o‘rnatilishiga qarshi namoyishga chiqqani aytilmoqda.
«Jangarilar Afg‘oniston milliy bayrog‘ini ko‘tarib olgan namoyishchilarga qarata o‘t ochdi, ikki kishi o‘ldi, sakkiz kishi yaralandi», — deb xabar bergan manbalar.
Toliblar hozircha ushbu holat bo‘yicha izoh bermadi.
Bir kun avval Xost viloyatida davlat bayrog‘ini qo‘llab-quvvatlab namoyishlar o‘tkazilgan.
Mavzuga oid
20:59 / 14.10.2024
«Tolibon» OAVda tirik mavjudotlar tasvirini taqiqlashga va’da berdi
19:30 / 14.10.2024
«Tolibon» O‘zbekistondan «Termiz» chegara bozorida musiqa qo‘ymaslikni so‘radi – OAV
12:20 / 14.10.2024
O‘zbekiston prezidentining maxsus vakili Afg‘onistonga bordi
16:50 / 11.10.2024