Bugun O‘zbekiston bo‘yicha kam bulutli ob-havo saqlanib turadi

Bugun kunduz kuni O‘zbekiston bo‘yicha kam bulutli ob-havo saqlanib turadi, yog‘ingarchilik kutilmaydi. Bu haqda “O‘zgidromet” xabar berdi.

Qayd etilishicha, shimolda va cho‘l hududlarida ba'zi joylarda shamol tezligi 15-20 m/s gacha kuchayishi mumkin. Havo harorati 33-38 daraja issiq bo‘ladi.

Poytaxtda havo kam bulutli bo‘ladi. Havo harorati 36-38 daraja issiqqacha ko‘tariladi.

Tog‘li hududlarda havo biroz bulutli bo‘ladi, ba'zi joylarda o‘zgarib turadi, qisqa muddatli yomg‘ir yog‘ishi, momaqaldiroq bo‘lishi mumkin. Shamol 7-12 m/s tezlikda esadi. Harorat 25-30 daraja issiq bo‘ladi.