Samarqand tumani IIBga yangi boshliq tayinlandi

Bugun 23 avgust kuni viloyat IIB boshlig‘i Samarqand tumani IIBga tayinlangan yangi boshliqni shaxsiy tarkibga tanishtirgan. Bu haqda viloyat IIB axborot xizmati xabar bermoqda.

Ma'lum qilinishicha, bugun 23 avgust kuni Samarqand viloyati IIB boshlig‘i Samarqand tumani IIBda tumandagi jinoyat va huquqbuzarliklarning ahvoli, shaxsiy tarkib o‘rtasidagi xizmat intizomi hamda qonunchilikka rioya qilish masalalariga bag‘ishlangan uchrashuv o‘tkazgan.

Uchrashuv avvalida viloyat IIB boshlig‘i ichki ishlar vazirining tegishli buyrug‘i bilan tuman IIB rahbarligiga tayinlangan mayor Farrux Xisravovich Gafarovni shaxsiy tarkibga tanishtirgan.

So‘ng hududdagi kriminogen vaziyat, xodimlar tomonidan xizmat davomida yo‘l qo‘yilayotgan kamchiliklar tanqidiy muhokama qilinib, amalga oshirilishi lozim bo‘lgan vazifalar belgilangan.