Toliblar 31 avgustdan keyin Kobuldan evakuatsiya qilish taqiqlanishini ma'lum qildi

Afg‘onistonni tark etishni xohlovchi barcha buni 31 avgustgacha amalga oshirishi lozim. Bu haqda “Tolibon” rasmiy vakili Zabihulla Mujohid, ma'lum qildi, deb xabar berdi Al Jazeera telekanali.

“31 avgustdan keyin evakuatsiya bo‘yicha hech qanday operatsiya amalga oshirilishiga yo‘l qo‘ymaymiz”, – dedi u.

Mujohidning qo‘shimcha qilishicha, toliblar Kobul aeroportiga olib boradigan yo‘lni to‘sishgan.

“Biz aeroportga olib boradigan yo‘lni yopdik va faqat xorijliklarni o‘tkazyapmiz”, – dedi Mujohid.