Toliblar tibbiyot muassasalarida ishlaydigan ayollarni ishga qaytishga chaqirdi
Avvalroq Mujohid kelajakda ayollar o‘zlarining kundalik yumushlariga qaytishlari mumkinligini aytgandi.
Afg‘onistonda hokimiyatni egallagan “Tolibon” harakati mamlakat tibbiyot muassasalarida ishlaydigan barcha ayollarni o‘z ish joylariga qaytishga chaqirdi. Bu boradagi bayonot harakat vakili Zabihulla Mujohidning Twitter sahifasida e'lon qilindi.
“Afg‘oniston islom amirligi jamoat sog‘lig‘ini saqlash vazirligi barcha ayollarni – ma'muriy markazlar va viloyatlardagi tibbiyot muassasalari xodimlarini o‘z vazifalarini bajarishga chaqiradi. Ularga islom amirligi tomonidan hech qanday to‘sqinlik bo‘lmaydi”, – deyiladi bayonotda.
18 avgust kuni JSST bosh direktori Afg‘onistonda sog‘liqni saqlash xizmatini o‘z faoliyatini davom ettirishga chaqirgandi.
Avvalroq Mujohid kelajakda ayollar o‘zlarining kundalik yumushlariga qaytishlari mumkinligini aytgandi. Uning so‘zlariga ko‘ra, toliblar ayollarni uyda o‘tirishga va yuzlarini to‘liq yopib yurishga majburlashlari borasidagi xavotirlar asossiz.
U shuningdek, ayollarning omma oldida erkak qarindosh bilan yurishi to‘g‘risidagi talab noto‘g‘ri talqin qilinganini bildirgandi.
“Agar ular maktab, ofis, universitet yoki shifoxonaga boradigan bo‘lsa, yonida mahram bo‘lishi shart emas”, – degandi Mujohid
Mavzuga oid
20:59 / 14.10.2024
«Tolibon» OAVda tirik mavjudotlar tasvirini taqiqlashga va’da berdi
19:30 / 14.10.2024
«Tolibon» O‘zbekistondan «Termiz» chegara bozorida musiqa qo‘ymaslikni so‘radi – OAV
20:51 / 04.10.2024
Rossiya «Tolibon»ni terrorchilar ro‘yxatidan chiqarish bo‘yicha ishlarni yakunlamoqda - FXX rahbari
22:50 / 26.09.2024