Rossiya harbiylari Qirg‘iziston va Tojikistonda mashg‘ulotlar o‘tkazdi
Ma'lumot berilishicha, oktyabrda Tojikistonning Afg‘oniston bilan chegarasi yaqinida KXShT davlatlari qurolli kuchlari ishtirokida mashg‘ulotlar o‘tkaziladi.
Rossiyaning Qirg‘izistondagi Kant harbiy bazasida terrorizmga qarshi kurashish bo‘yicha mashg‘ulotlar o‘tkazildi. Bu haqda “Interfaks” Markaziy harbiy okrug matbuot xizmatiga tayanib xabar berdi.
Xabarda aytilishicha, mashg‘ulotlarga navbatchi kuchlar, terrorizmga qarshi kurash bo‘linmalari va harbiy komendatura harbiylari jalb etilgan.
Rossiyalik harbiylarning Qirg‘izistondagi mashg‘ulotlari Afg‘onistonda vaziyat keskinlashishi fonida o‘tkazildi, deyiladi xabarda.
Shuningdek, xabar qilinishicha, Rossiyaning Tojikistondagi harbiy bazasi tankchilari "Lyaur" poligonida tankdan o‘q otish bo‘yicha mashg‘ulot o‘tkazdi.
Harbiylarning so‘zlariga ko‘ra, mashg‘ulot davomida tankni o‘q otishga tayyorlash, o‘t ochish pozitsiyalarini tanlash, nishonni aniqlash bo‘yicha normativlar bajarilgan.
Ma'lumot berilishicha, oktyabrda Tojikistonning Afg‘oniston bilan chegarasi yaqinida KXShT davlatlari qurolli kuchlari ishtirokida mashg‘ulotlar o‘tkaziladi.
Mavzuga oid
20:20 / 12.10.2024
Qirg‘iziston xavfsizlik qo‘mitasi rahbari xodimlariga 5-6 farzandli bo‘lishni buyurdi
21:00 / 07.10.2024
Ramzon Qodirov migratsiya siyosatida «o‘rta asr yondashuvlaridan» voz kechishga chaqirdi
20:07 / 07.10.2024
Rossiyada sakkiz nafar general lavozimdan olindi - OAV
20:51 / 04.10.2024