Xitoyda bolalarning TikTok’dan foydalanish vaqtiga cheklov o‘rnatildi
14 yoshdan kichik foydalanuvchilar ilovani kuniga 40 daqiqadan ortiq ishlata olmaydi. Bundan tashqari, ularda TikTok kech soat 10dan ertalabki 6gacha ishlamaydi.
Xitoyda TikTok (Douyin) ilovasining 14 yoshdan kichik bo‘lgan foydalanuvchilariga nisbatan cheklovlar o‘rnatildi, deb xabar berdi South China Morning Post.
Ilovani ishlab chiqargan ByteDance kompaniyasining ma'lumotiga ko‘ra, bundan buyon 14 yoshdan kichik foydalanuvchilar ilovani kuniga 40 daqiqadan ortiq ishlata olmaydi. Bundan tashqari, ularda kech soat 10dan ertalabki 6gacha ilova ishlamaydi.
Qayd etilishicha, ushbu cheklovlar Xitoy hukumatining yoshlarda "internet-qaramlik"ning oldini olishga qarshi kurashi doirasida kiritilgan.
Shuningdek, ByteDance bolalar uchun TikTok ilovasiga o‘xshash Xiao Qu Xing ilovasini ishlab chiqdi. Xiao Qu Xing ilovasida asosan bilim beruvchi kontent joylashtirilgan va undan ham kuniga 40 daqiqagacha foydalanish mumkin.
Xitoy hukumati iyulda 16 yoshgacha bo‘lgan bolalarning strimlarda chiqishi, yulduzga aylanishi, ularni internet orqali daromad olishga undashni taqiqlagandi.
Hukumat bolalar internetidagi «voyaga yetmaganlarning jismoniy va ruhiy salomatligiga xavf soladigan» yetti muammoni sanab o‘tgan va yirik internet-platformalarga bu muammolarni hal qilishga buyruq bergan.
Mavzuga oid
07:10
Xitoy Tayvan yaqinida yangi harbiy mashqlarni boshladi
23:37 / 13.10.2024
Tayvan Xitoy aviatashuvchisi sabab o‘z qo‘shinlarini jangovar shay holatga keltirdi
20:44 / 11.10.2024
Xitoyning changyutgich-robotlari to‘satdan o‘z egalarini quvib, so‘kinishni boshladi
17:18 / 11.10.2024