27 sentyabr kuni respublika hududiga salqin havo tarqaladi

27 sentyabrda kunduz kuni respublika hududiga Volgabo‘yi hududlaridan salqin havo tarqaladi. Yog‘ingarchilik kutilmaydi. Ba'zi joylarda shamol tezligi 17-22 m/s gacha kuchayishi mumkin. Harorat foni nisbatan pasayadi va kunduz kuni 23-28 daraja issiqni, shimolda 18-23 daraja issiqni tashkil etadi.

Poytaxtda yog‘ingarchilik kutilmaydi. Shamol tezligi 10-12 m/s gacha kuchayishi mumkin. Harorat 23-25 daraja issiqqacha pasayadi.

Tog‘li hududlarda yog‘ingarchilik kutilmaydi, faqat Toshkent viloyatida ba'zi joylarda biroz yomg‘ir yog‘ishi mumkin. Shamol 7-12 m/s tezlikda esadi, ba'zi joylarda 17-22 m/s gacha kuchayishi mumkin. Havo harorati 19-24 daraja issiq bo‘ladi.